Hugs and Kisses.

"Czar, anong gusto mong iregalo sayo sa Valentines? I mean, kunwari nagka-boyfriend ka na, anong gusto mong iregalo niya sayo? for example, stuffed toys, bracelet..."

Yan ang tanong sakin ni Sarah kahapon habang naglalakad kami sa Department Store ng SM Sucat. Hmm.. ang una kong sagot ...

"hugs and kisses. katawan niya. yun lang. hahaha."

Syempre di niya nagustuhan ang sagot ko .. alam mo naman yun banal yun. Kinulit niya ko pero sabi ko...

"Di naman kasi ako materialistic na tao. Wala naman akong kahit na anong bagay na gustong iregalo sakin ng kung sino mang magiging boyfriend ko."

Wrong move. Maling mali ang sinagot ko.

Pero ayos lang kasi ang purpose ng sagot kong yon ay para itigil na ang ganung usapan ... wala ako sa mood dahil sobrang sakit ng likod ko nun kaya wala akong panahong makipag-usap sa kanya tungkol sa mga ganung bagay.

Pero kung pag-iisipan ko talaga, wala naman talaga akong gustong regalo sa Valentines if ever. Oo na killjoy na ko. Hindi naman ako bitter. Sadyang di lang talaga siguro ako nasanay (kasi tuwing Valentines wala akong boyfriend, pansin ko lang.). Tsaka wala as in di talaga ako mahilig sa mga bagay-bagay. Hangga't maaari nga, kung pwede lang, irerequest ko pa sa boyfriend ko na wag na niya kong tambakan ng mga gamit .. kasi mahihirapan lang akong ibalik sa kanya yun pagka-nagbreak kami.

Ayun. Hugs and Kisses. Seryoso. Init ng katawan hanap ko. XD hahaha. Wala lang. Bakit? Hindi dahil mahilig ako or what. Kasi .. yan ang mga bagay na taken for granted .. na para sakin ay mga exceptional na bagay kasi yang mga bagay na yan ay mga mahihirap na paraan ng pagpaparamdam ng pagmamahal. Bakit mahirap e madali lang naman mag-hug at mag-kiss? Mahirap siya kapag totoo kang nagmamahal. Na-appreciate ko lang ang dalawang bagay na yan nung natuto akong magmahal ng taong di naman akin. Nung taong kahit gusto ko siyang halikan at yakapin ay di ko magagawa. Na kahit sa panaginip ko bawal ko siyang hawakan man lang sa kamay. Na kahit minsan, kahit isang beses lang .. di ko pwedeng hingiin sa kanya ang mga bagay na yan.

Ayun lang. Ayun lang naman.

Parang gusto ko ngang i-send sa crush ko tong nabasa kong quote e.. kunwari group message..

Kung malungkot ako at kailangan ko ng isang taong magpapasaya sakin...

Pwede ba kitang puntahan at sabihin na,

'pwede kahit saglit lang payakap naman?'

Tapos nag-reply siya no .. sabi niya daw...

"yun lang pala e .. halika nga dito ..."

E kaso ...

WALA NAMAN AKONG CRUSH. ahahahaha!!! XD