Maaaring di ko na nga pwedeng ibalik pa ang mga nangyari pero siguro naman, may karapatan akong balikan pa rin ang mga iyon. Sabi nila kalimutan na ang nakaraan, pero ako? Di ko kayang gawin yun. Hindi naman ako yung taong nabubuhay sa nakaraan pero ... mahalaga sakin yun. Kasi marami akong gustong mga pangyayari sa nakaraan na alam kong kahit pagbali-baliktarin ang mundo, hinding hindi na mauulit pa. Napakahiwaga talaga ng buhay. May darating, may aalis. Maraming nagbabago. Pero yung mga nangyari na, imposible ng mabago. Pero buti na lang di nagbabago ang mga alaala. Kasi kung nagbabago yun, hindi na mangyayari ang ngayon. Totoo ngang mahalaga na sa bawat oras na nagdaraan, maganda kung ma-maximize natin ito. Maganda na lagi tayong masaya. Kasi kung uubusin natin ang ngayon sa galit at mga walang kwentang bagay na di naman nakapagdudulot ng saya, hindi ito magiging isang magandang alaala. Hindi na magiging makabuluhan ang pagbabalik-tanaw. Kaya dapat mamuhay tayo sa mga simpleng bagay lang, dahil kadalasan, doon nagmumula ang mga big time na alaala. :D
No comments:
Post a Comment